Motivational Story

Samay Prabandhan ( Time Management ) Ke 15 Golden Rules

Samay Prabandhan ( Time Management ) Ke 15 Golden Rules. Har vyakti ke paas samaan samay hota hai , par aisa kyu hai ki kuch hi log iska sahi tarike se istemal karte hai aur safalta ke raaste chal padte hai. asfalta ka mukya karan yah bhi hai ki samay ka sahi tarike se upyog nahi kar paate.aaj ham samay ko prabhandan ke kuch golden rules janenge.

Rule 1: important kaam ko sabse pahle kare ;

roz jo kaam aapko sabse jyaada important lagta ho use sabse pahle poora kare.aisa important kaam jo aapko aapke laksya ki oor ek kadam paas le jaata ho.

Rule 2: “no” bolna sikhe ;

 hamare bahut se kaamo me hame kuch kaamo ko ghatana bhi padta hai ek saath bahut se kaamo ko karne ki koshish hame asfal kar sakti hai.

Rule 3:  chal rahe kaam par poora dhyaan de ;

ek samay par ek hi kaam kare. chal rahe kaam ko sahi tarike se poora karne ke liye us kaam par aapka poora dhyaan hona bahut jaroori hai. jo cheeze aapka dhyaan aapke kaam se hatati hai unhe door rakhe. jaise mobile phone.

Rule 4: har din 7-8 ghante soyen ;

kuch log sochte hai ki safalata ko paane ke liye unhe neend ko kam se kam karna hoga lekin aisa nahi hai. kisi  bhi kaam me agar active rahna hai to nind poori karna bahut jaroori hai. par aisa na ho ki ham din bhar kaam na kare aur kahe ki ab 7-8 ghante sone  ki wajah se kaam poora nahi hua.

Rule 5: kisi bhi kaam ko samay rahte prarambh kare, der na kare ;

bahut se logo ki har kaam ko deri se karne ki aadat ho chuki hai.shuruaat me har kaam hame itna aasan lagta hai ki ham sochte hai baad me bhi  kar lenge lekin aisa sochna galat hai. har kaam ko hame samay par hi kar lena chahiye.

Rule 6: pramukh kaaryo ko aadat me badle ;

jo kaam aapko har roz karna ho us kaam ko aap apni aadat bana le. jaise main ek blogger hu  aur ab mujhe har din 1000-1200 words likhne ki aadat ho chuki hai. ab post likhna mera kaam nahi meri aadat ban chuki hai. jab hamara kaam hamari aadat ban jaata hai tab ham kaam ko postpone (taalna) karna kam kar dete hai aur kaam samay pe poora hone lag jaata hai.

Rule 7: t.v., internet , game etc. ko nishchit (limited) time de ;

facebook , whatsapp , twitter , t.v ,game etc. ko samay dena kam kar de kyuki yah samay ki barbadi ka pramukh kaaran mana jaata hai. aap inhe kitna bhi adhik samay de de aapko kam hi lagega.

Rule 8: har kaam ko poora karne ka ek nirdharit samay tay kar le ;

ek kaarya par kaam karne aur sochne ke badle baithkar yah socho ki ”me yah tab tak karunga jab tak esa nahi ho jata”. jaise me is kaam ko 3 ghante me karunga.

Rule 9: kaam ko poora karne ke baad ek chota sa break le ;

jab hum kisi kaarya ko karne jate hai,aur beech me break nahi lete hai,turant alga kaarya shuru kar dete hai to yah sochna mushkil ho jata hai ki hum kya karne ja rahe hai. kaarya karne ke baad ek chota sa break lene par hamare dimag ke liye taza hawa ki saans mil jati hai aur hamara dimag agla kaam karne ke liye  fresh aur active ho jata hai.

Rule 10: apni ”to do list” ke baare me jyada na soche ;

ek din me bahot se kaam karne ki suchi hi to do list kahlati hai. yah aapke samay ko barbaad karne ka sabse bada kaaran hai, ki aap bahot se kaamo ko ek sath karne ke baare me sochte hai. agar aap aisa sochenge to aapka koi bhi kaam sahi dhang se poora nahi ho paayega.sahi tarika yahi hai, ki aap ek samay pe ek hi kaam kare.

Rule 11 in cheezo ko kum kare ;

  • kaam ke samay baate kum kare.
  • ek sath adhik kaarya na kare.

dhyan de ki kis samay kya kiya jana chahiye. sahi kaam par dhyan kendrit kare.

Rule 12: exercise kare aur swasth khana khayen ;

kaam karne ke saath saath ek swasth jeevan bhi jaroori hai , jaise poori nind, exercise karna, aur khane ke swasth ko badhawa dena.

Rule 13: saptaah ke end me thoda samay manoranjan ko de ;

monday se frinday kaam karne ke baad thoda manoranjan bhi kare jisse aapka dimag fresh aur active rahe.

Rule 14: kaam me aane wali cheezo ko sangthit roop me rakhe ;

apne office ya ghar me kisi kaarya ko krne ke liye kaam me aane wali cheezo ko sangthit roop me rakhe. in cheezo ko ek saath na rakhne se inko dhundhne me samay barbaad hota hai. iske alawa ek niyantrit suchi banaye,ki aap kya karna chahte hai aap use niyantrit kar sake.isse kaam karne me kum samay lagega.

Rule 15: useless kaam ko hata de ;

hamara jeevan kaamo se bhara hai,par in pure kaaryo ko karna mushkil ho jata hai. isiliye jo kaam useless hai ya jo kaam us samay ke liye kum jaroori hai unhe hame hata dena chahiye.

 

Read Time Management In English

Related Articles

Leave a Reply

Your email address will not be published. Required fields are marked *

Check Also

Close
Close