Motivational Story

Aap Apne Bhagya Ke Nirmata Hai – Must Read on Hindi

Apne bhagya ko banane wale Aap h..

Aap ne ye line to jaroor suni hogi, jeetna tab aavashyak hota hai jab aapki ladai apne aapse ho.
yah kahani kuch esi h briten ke ek ese yuvak jikna name stephen hai jinhone sangharsh karke apne aap par jeet hasil ki, yah aapke jeewan ki bhi kahani ho sakti h kyoki is kahani me jo bataya gaya hai vah ekdam satya hai, ye andhere se nikalkar ujale ki or badhne ki kahani hai. ye kahani is aasha ko jagati hai ki aap paristhitiyon ke gulam nhi hai. na hi aap par koi jeet hasil kar sakta hai. aap apne bhagya ke nirmata or vidhata khud hai.

Stephen ke andar vo burai thi jo kisi bhi insan ke liye atmaghati ho sakti hai, ise bhagya ka dosh kahe ya niyati ka kroor majak, jo maata pita bachpan me hi chal base. nate rishtedar shirf name ke liye the. jiske karan use na kabhi achcha mahol mila or na sahi margdarshan. stephen ka koi dosht bhi nhi tha, agar uske sath koi tha to vo bhi sharab, dhoomrapan or buri sangati ke shikar the.
Ek din stephen ke yuva man me esho aaram se jeewan jeene ka vichar aa gya jiske liye usne chori bhi karna shuru kar diya, par bure kaam se kisi ka bhala hua hai jo stephen ka hoga. stephen ko chori karne ke jurm me jail ho gai, ab aap andaja laga sakte ho ki jail ka jeewan kesa hota hai, or isi jail ka jeewan stephen par bhi dikhne laga. use mansik rog, anidra, sar dard aadi rogo ne gher liya, ek baar use laga ki ye sab samasya kharab khane ki wajah se ho rahi hai, par usne is baat ko bhi najarandaj kar diya. ek din stephen ghumte ghumte jail ke vadhshala(kasaighar) pahucha, waha par usne mare huye janwaro ki lash ko ulta latka dekha. is drashya ko dekhkar use gahra jahtka laga or usi din se usne mansh(non-veg) na khane ka shankalp liya. jail ke andar rahkhar apne shankalp ka palan karna uske liye bahut kathin tha. lekin us mare janwar ko dekhne ka uske man par uske man par itna gahra asar pada tha ki jahan anya kaidi sharab or mansh par hi jee rahe the wahi stephen taja or supachya bhojan lene ka prayash kar raha tha.

Stephen jo ki ab taja or supachya aahar kha raha tha uska parinam uske shareer par dikhne laga tha. swasthya shareer ke sath sath uska shareer bhi sahi disha ki or shanket de raha tha. sanyog se uske hath ek yog ki pustak lag gai ab yah niyamit postik aahar ke sath sath yog bhi karne laga. use in sab se apne andar ek gambheer antrik pariwartan ki anubhuti hui, falswaroop wah or adhik ichchha shakti se inka paalan karne laga, lekin wah abhi sharab ko nhi chhod paa raha tha or din me 3-4 packet sigrate bhi peeta tha, use is baat ka andaja ho gaya tha ki wah apne shareer or fefde ko barbad kar raha hai.

Usne swayam se ek or sankalp kiya ki dheere dheere wah apni is buri aadaton ko bhi chhod dega, usne is sankalp ko bhi poora kiya or usne sharab or sigrate chhod di, shuru me use ye sab chhodne me kathinayi yui lekin usne haar nhi maani or usne in buri aadato se chhutkara paa liya. stephen ki achchi aadato ki wajah se ek din esa bhi aaya ki sharirik, mansik, bhavnatmak evam adhyatmik har ster par santulit anubhav karne laga, lekin ek kami abhi bhi wah apne andar mehsus kar rha tha, or wah kami thi nakaratmak vicharon ki, is door karne ke liye wah apne nakaratmak soch va vicharon ko likhit roop se apne paas rakhne laga, or roj sankalp ki tarah padhta raha.

Apne soch or vicharo ko padhne se use is baat ka ehsas hua ki uske andar jo bhi buraiyan hai unka jimmedar vo khud hi hai. apne jeewan me ab tak jo dusre vyaktiyo se anyay anubhav kar rha tha, wah sab galat tha. in sab baato ka ehsas hote hi use apna jeewan bahut sukhmay lagne laga, or uske man me shanti ki ek adbhut lahar dodne lagi, pahli baar use ye pata chala ki bahri jagat ka parivartan antarik vikas ke anuroop hi hota hai.

Stephen ki saja bhi puri ho gai thi or use riha kar diya gaya lekin use is baat ki bahut khushi thi ki wah apni buri aadato se aajad ho chuka tha. jeewan ka anubhav use kah raha tha ki bahari swatantrata ki apeksha antarik swatantrata adhik mulyawan hai.

Yah kahani thi stephen ki lekin thode bahut badlaw ke sath yah kahani kisi ke bhi jeewan ki ho sakti hai, galat parwarish, buri sangati, durbhagya purn parishthitiyon ke dansh ke maar se peedit vyakti dusro ko dosh dene ki wajah uski poori swayam par le to yakeen maniye aapne pahli seedhi ese hi chadh li. yahi soch aapko aatmasudhar or nirman ki baaki seedhi chadhane me madad karegi. kyoki apne bhagya ke nirmata aap khud hai…

Rupesh Bhade

Related Articles

1 thought on “Aap Apne Bhagya Ke Nirmata Hai – Must Read on Hindi”

Leave a Reply

Your email address will not be published. Required fields are marked *

Check Also

Close
Close